Në kushte të tjera do zbriste në fushën e blertë, por në këto aktualet, duhet ta shikojë nga një distancë e konsiderueshme. Mbrojtësi Leonardo Spinazola është mungesa e vetme dhe më e rëndësishme për Italinë në finalen e Euro 2020 përballë Anglisë.
Futbollisti iu nënshtrua një ndërhyrjeje kirurgjikale pas një dëmtimi të pësuar kundër Spanjës, megjithatë ai do jetë në shkallët e stadiumit.
Në një intervistë për mediat italiane, lojtari i Romës ka pranuar se do jetë në “Wembley” dhe madje do festojë me të gjithë duke kërcyer me një këmbë:
“Djemtë e mbajtën premtimin e tyre. Ata më dhanë një mbrëmje të jashtëzakonshme kundër Spanjës. Ne jemi një ekip i shkëlqyeshëm. Hyra në zemrat e tyre, ne jemi një familje, është një emocion i mrekullueshëm. Unë do të jem në “Wembley”. Në paterica do të gëzohem. Nëse fitojmë, do të jetë një sforco për mua sepse do të duhet të shkoj duke kërcyer me të gjithë. Shpresoj të kërcej me një këmbë, gjatë gjithë kohës. Shokëve do iu them: djema, edhe unë jam këtu“.
Spinazola pritet të qëndrojë jashtë fushave të lojës për 6 muaj.
