Një tufë milingonash fluturuese mund të pushtojnë stadiumin pikërisht në momentin që luhet finalja. Nuk janë të pazakonta në vendet sportive, por kur prania e tyre është e madhe, kthehet në bezdi.
Shumë tifozë e kanë ëndërr të shohin direkt në stadium një finale Evropiani apo Kupe Bote. Dhe katër tifozë vendas kanë blerë në e-bay katër bileta për 70 mijë euro, e thënë ndryshe, nga 17.500 euro copën. Një shumë vërtet e majme dhe nuk bëhet fjalë për bileta në zonën Vip.
Do të jenë rreth 3500 forca sigurie jashtë dhe brenda stadiumit, pa llogarritur policët. Sipas përllogaritjeve, Londra ka rreth 350 mijë italianë, por vetëm 9 mijë parashikohen të futen në stadium, ndërsa 1 mijë të tjerë do të vijnë nga Italia, kundrejt 50 mijë tifozëve anglezë.
Për italianët 11 korriku është ditë e shënuar, sepse në këtë datë në vitin 1982 axurrët fituan Kupën e Botës. Por anglezët do ta kthejnë 11 korrikun në festë kombëtare nëse triumfojnë.
