Këngëtarja e famshme Beatrix Ramosaj ka përjetuar sërish një eksperiencë të frikshme për shkak të paralizës së gjumit. Ajo ka treguar se pas shumë kohësh e ka përjetuar sërish dhe për më tepër ka qenë vetëm në shtëpi duke e bërë situatën akoma më të frikshme.
“Përjetova paralizë gjumi mbrëmjen e shkuar pas një kohe shumë të gjatë dhe e kisha harruar se sa traumatizuese është kjo gjë. Akoma dhe më e keqe kur je vetëm në shtëpi”, shkruan Beatrix në një postim në Instagram.
Thuajse një vit më parë, Beatrix përjetoi të njëjtën eksperiencë dhe e ndau me ndjekësit e saj. Beatrix tregoi se gjatë paralizës së gjumit kishte parë edhe figura të panjohura e kishte dëgjuar zëra demonësh.
“Nuk e di nëse njerëzit e tjerë kanë parë burrin me kapele gjatë paralizës së gjumit, por tani jam sërish e frikësuar. E pashë një herë në fillim dhe kurrë më. Mbrëmjen tjetër nisa të dëgjoja zëra jo tokësor. E kam përjetuar disa herë dhe dëgjimi i zërave djallëzorë dhe ndjenja e një pranie të errët është vetëm një pjesë e saj”, rrëfeu Beatrix Ramosaj një vit më parë.
