Anglia do të luajë të dielën për herë të parë në histori një finale Europiani. Kombëtarja ishullore do të ketë përballë Italinë e Roberto Mancinit, sfidë që do të zhvillohet në stadiumin “Wembley” të Londrës (11 korrik, 21:00).
Atmosfera në ishull është e shkëlqyer, tifozët po presin me padurim suksesin e madh dhe do dominojnë në shkallët e stadiumit mitik. Të gjithë janë të karikuar në maksimum për të mposhtur skuadrën e kaltër.
Gjatë ditës së sotme, një grup avionësh kanë krijuar në koreografi fantastik mbi qiellin e Londrës, aty ku lexohet “It’s coming home”, ndryshe “Kupa po vjen në shtëpi”.
Anglia është vendi ku u shpik futbolli dhe kjo moto ka qenë motoja e “Tre Luanëve” dhe gjithë tifozëve të veçantë anglezë gjatë gjithë Euro 2020.
