Këngëtarja e famshme me origjinë shqiptare, Rita Ora, ka në pronësi të saj dy kompani të cilat e kanë bërë pjesë të biznesit. Kompanitë e saj qarkullojnë para me vlerë 6.5 milion paund duke i dhënë asaj fitime marramendëse.
Mirëpo, së fundmi Rita ishte përfshirë në disa ‘telashe’ dhe rrezikonte t’i humbiste këto kompani.
Sipas ‘Daily Mail’, ajo ka pasur probleme të mëdha me ligjin pasi nuk u tregua korrekte, dhe nuk iu përgjigj letrave të njëpasnjëshme të ‘Companies House’ që kontrollon nga ana ligjore çdo kompani në Mbretërinë e Bashkuar.
Që prej prillit, Ritës i është kërkuar të rinovojë dokumentat e ‘Ora Multi Services Limited’ dhe ‘Ora Live’, por nuk e ka bërë, derisa me rregullat e shtetit, do i merrej e gjithë vlera e kompanive për t’u vendosur në emër të mbretërisë. Por fatmirësisht, Rita i firmosi dhe mbylli çdo dokument me një ndërhyrje në momentin e fundit, duke i hedhur poshtë problematikat që u hapën prej muajsh.
