28 zyrtarë shtetërorë të komunës së Palermos u vendosën nën hetim nga policia pasi ata largoheshin nga puna për arsyet e tyre personale dhe pa lajmëruar.
Sipas mediave italiane, ata paraqiteshin në punë dhe bënin “check-in” për marrjen e turnit e më pas largoheshin, disa për shopping, disa për të pirë kafe dhe disa të tjerë për stërvitje.
Madje ka pasur raste kur një punonjës bënte “check-in” për disa të tjerë që nuk paraqiteshin fare përmes kartave të tyre identifikuese.
Autoritetet italiane i zbuluan zyrtarët përmes kamerave të sigurisë ku brenda 3 muajve kjo skemë ishte përsëritur dhjetua herë.
Gjykata vendosi të lërë në arrest shtëpie 8 prej zyrtarëve ndërsa për 20 personat e tjerë u vendos detyrim paraqitje.
