Të gjithë e mbajnë mend aksidentin tragjik të ndodhur në shtatorin e vitit të kaluar në aksin Tiranë-Elbasan ku dy shoqet Lusinda Garunja dhe Xheneta Qallia humbën jetën. Dy vajzat ishin duke udhëtuar me dy vajza të tjera kur u përplasën nga një ‘Benz’ shoferi i të cilit ishte duke ecur me shpejtësi dhe në testin e alkoolit rezultoi i dehur në masën 0.99 mg/l. Ndërsa dy vajzat tjera Nervida Garunja dhe shoqja e saj, pronarja e mjetit Denisa Dibra u transportuan me urgjencë në spitalin e Traumës me plagë të shumta dhe në gjendje të rëndë për jetën.
Mamaja e Lusinda Garunjës e cila do festonte ditëlindjen më 13 shtator, por që atë ditë humbi jetën ka shkruar në “Facebook” se ditën e djeshme vajzën dhe shoqen e saj i vranë për herë të dytë. Ajo ka shkruar, pas këtij aksidenti ata ia lanë në dorë drejtësisë dënimin e shoferit i cili shkaktoi aksidentin, por kjo drejtësi e dënoi shoferin Behar Pema me 4 vite burg.
Postimi i saj:
Me 13 shtator ne ditelindjen tende Lusi, fryma e jeta jeme, ta moren jeten padrejtesisht… ne nje dite kur si cdo e re don me e gezu, ti me erdhe e pajete e veshun si nuse, ashtu si cdo nane don me e pa bijen e vet, por ne arkivolin e ftofte… E dje ty e shoqen tande Xheni te vrane per se dyti… ia lame ne dore drejtesise e nuk kerkume vetegjygjesi, e jeta dy vajzave te vdekuna dhe e dy te tjerave qe shpetune nga dora e Zotit vlejti vetem 4 vite denim per autorin… Si mundet me ndodh e si nuk permbyset kjo bote…. Edhe sa gjame duhet me ndodhe qe i papergjegjshmi me marre denimin e meritum e mos me e pesu edhe shum familje te tjera dhimbjen tone!!!!!
