Konkurrentja e “Për’puthen +40”, Shqipe Rexha, ishte e ftuar në emisionin “Shqipëria Live”. Shqipja tregoi se kur ka qenë e martuar ka jetuar në një familje shumë të madhe, e ku gjithçka ishte shumë mirë. Por gjërat ndryshuan me kalimin e viteve. Shqipja tregoi se si nisi dhuna nga ish-bashkëshorti i saj e më pas edhe nga kunata.
“Vjehrri vjen nga puna me disa shtiza dhe ja jep vajzës së vogël. Unë ja heq dhe i them se nuk janë lodra. Ai ia jep sërish, unë prapë ja largoj. Të tretën herë vjehrri i mori dhe ja dha. Unë i hodha nga korridori në bahçe, me idenë që kjo nuk është një lodër. E për këtë vjehrri shkon te im shoq që po bënte dush, që të vinte që të shikonte se çfarë ndodhi. E aty më gjuajti. Kur më gjuajti ishte vjehrri, gjyshi dhe nënëdaja. Ata më panë se çfarë bëra unë. Më pas më ka gjuajtur edhe herë të tjera”, tregon Shqipja.
