Prishtina është duke u përballur me kampionët e Hungarisë, Ferencvaroshin në ndeshjen e parë të raundit të parë kualifikues të Ligës së Kampionëve.
Pjesa e parë u mbyll në barazim pa gola, ndërsa gjatë 45 minutave të dyta ose më saktë në vetëm 7 minuta, kampionët e Kosovës pësojnë plot 3 gola. Gjithçka startoi në minutën e 71-të. Vendasit realizojnë me anë të Nguen, i cili pas harkimit nga e majta, devijoi saktë brenda zonës, duke kaluar në avantazh hungarezët.
Në minutën e 74’ ekipi i Uzunit shënon sërish, me Mae, i cili pas asistit të Mak, nuk fal nga shumë pranë portës. Prishtina dorëzohet totalisht, teksa pësojnë edhe golin e tretë me anë të mbrojtësit Blaziç në minutën e 77-të.
