Tre persona janë shpallur në kërkim në lidhje me agresionin që iu bë juristit Marjel Mejdi në qytetin e Sarandës ditën e djeshme.
Policia e Sarandës njofton se janë shpallur në kërkim shtetasit E. F., S. N. dhe A. R., për veprat penale “Plagosja e rëndë me dashje”, kryer në bashkëpunim, “Prodhimi, mbajtja, blerja apo shitja pa leje e armëve të ftohta” dhe “Shkatërrimi i pronës”.
Kujtojmë se këta shtetas, në bashkëpunim me njëri tjetrin, në lagjen nr. 4, në qytetin e Sarandës, pas një konflikti për motive të dobëta, kanë goditur me sende të forta në trup avokatin M. M., 39 vjeç, banues në Sarandë dhe i kanë dëmtuar pjesërisht automjetin që ai drejtonte.
Gjithashut njoftohet se është procedohet penalisht administratori i 1 subjekti, për veprën penale “Pushtimi i tokës”, ndërsa vijon puna për lokalizimin e vendndodhjes dhe kapjen e tyre.
