Nëna e Britney Spears, Lynne Spears, ka vendosur që të reagojë për herë të parë në lidhje me betejën e kujdestarisë së vajzës së saj.
Duke folur për gazetarët të “The New Yorker”, ajo është shprehur: “Kam pasur ndjenja të ndryshme për gjithçka. Unë nuk di çfarë të mendoj… është shumë dhimbje, shumë shqetësim”.
Mediat e huaja shkruajnë se nëna e këngëtares me famë botërore “foli me pëshpëritje” ndërsa po komunikonte në telefon me gazetarët dhe “nuk pranoi t’u përgjigjej pyetjeve të hollësishme në lidhje me çështjen“
Madje Lynne kërkoi falje pasi u tha atyre se mund t’i duhej ta “mbyllë telefonin papritmas” nëse një anëtar i familjes hynte në dhomë.
“Jam mirë. Unë jam e mirë në shmangien e gjërave”, shtoi ajo. Raporti gjithashtu pretendon se Britney telefonoi 911 një natë para deklaratës në gjyq.
Spears telefonoi urgjencën për të raportuar veten si një viktimë të abuzimit në kujdestarinë e saj. Të nesërmen, ajo dëshmoi se familja e saj, përkatësisht babai, Jamie Spears, duhej të paditej lidhur me kushtet e kujdestarisë së saj.
I ati i Britney-t, Jamie, i cili ka pasur kontroll mbi pjesën më të madhe të jetës personale dhe mbi financat e këngëtares gjatë viteve, ka mohuar keqmenaxhimin e karrierës së saj.
