Kryeministri Rama ka njoftuar me anë të një postimi në rrjetet sociale se mbrëmjen e sotme kanë mbërritur në Aeroportin e Rinasit 16.380 dozat e radhës të vaksinës ‘Pfizer’, nga kontrata e qeverisë shqiptare me kompaninë ‘Pfizer’ si dhe pjesë e mbështetjes së Bashkimit Evropian, të siguruara nga qeveria austriake.
Sipas Ramës, deri më tani në vendin tonë kanë mbërritur 1.120.070 vaksina anti-covid, për të vijuar pa u ndalur, sipas tij, nga kontrata e qeverisë shqiptare me kompaninë ‘Pfizer’ si dhe pjesë e mbështetjes së Bashkimit Evropian, të siguruara nga qeveria austriake.
Për ti pritur këto vaksina në Rinas ka qenë ambasadori i BE-së, Luggi Soreca dhe ministrja e Shëndetësisë, Ogerta Manastirliu.
Postimi i plotë i Ramës:
Aeroporti Nënë Tereza – 16,380 doza të vaksinës ‘Pfizer’ sapo kanë mbërritur në Shqipëri, nga kontrata e qeverisë shqiptare me kompaninë ‘Pfizer’ si dhe pjesë e mbështetjes së Bashkimit Evropian, të siguruara nga qeveria austriake.
1,120,070 vaksina anti-covid kanë mbërritur deri tani në Shqipëri, për të vijuar pa u ndalur me planin kombëtar të vaksinimit, për mbrojtjen e jetës dhe shëndetit të qytetarëve.
