Një person ka mbetur i plagosur para pak minutash sot në Sarandë.
Mësohet se ngjarja ka ndodhur në hyrje të portit, në sy të pushuesve dhe banorëve të zonës.
Tre persona ende të paidentifikuar i kanë zënë pritë një automjeti tip ‘Mercedes Benz’ dhe pasi kanë thyer xhamat kanë nxjerrë drejtuesin e mjetit duke e goditur me shkopa bejsbolli.
I plagosuri, mësohet se është një 39-vjeçar, i cili është transportuar drejt Spitalit të Sarandës në gjendje të rëndë shëndetësore.
Policia ka rrethuar zonën dhe po kryen veprimet e para hetimore si dhe zbulimin e motiveve të ngjarjes në fjalë.
