Pas vjedhjeve dhe grabitjeve të shumta në ishullin e Mykonos në Greqi, policia ka dhënë detaje të tjera lidhur me grupin e të rinjve shqiptarë.
Sipas tyre, grupi i grabitësve përdorte kode për të komunikuar me njëri-tjetrin dhe për të sinjalizuar mbi objektivat e rradhës.
Në vend të fjalës “vjedh”, ata përdornin shprehjen “hajde pimë një kafe”. Policia i sekuestroi më shumë se 300 mijë euro cash, telefona e bizhuteri të shtrenjta të cilat ia kishin vjedhur pasanikëve që vinin në ishull.
Një ndër rastet më të famshme ishte futja në vilën e marrë më qira nga një miliarder 37-vjeçar nga Dubai, të cilit i morën para, bizhuteri dhe dy telefona të shtrenjtë.
Të njëjtin fat pati edhe një tjetër miliarder nga Libani, vila e të cilit po ashtu u grabit nga grupi në fjalë.
