Partia Demokratike, përmes Zëdhënëses Ina Zhupa, ka reaguar, lidhur me dhunimin që iu bë sot në Sarandë avokatit Marjel Mejdi.
Zhupa shprehet se Mejdi është aktivist i PD-së, i cili u dhunua barbarisht në mes të Sarandës.
“Sot në Shqipëri askush nuk është më i sigurt.
Në mes të ditës, në mes të qytetit turistik të Sarandës, Marjel Mejdi, aktivist i PD, qytetar model nga fisi Mejdi eshte goditur barbarisht nga persona te panjohur.
I bëj thirrje autoriteteve policore të hetojnë pa humbur kohë ngjarjen dhe të vënë para drejtësisë autorët për të marr dënimin e merituar.
Vendi po bëhet çdo ditë e me i pasigurt. Qeveria sic po dëshmohet gjithnjë e me shumë është në shërbim të krimit dhe policia garante e tij. Drejtesia është në duart e më të fortit, me të pasurit e më te pushtetshmit.
Qytetari është viktima e regjimit Rama- Doshi!”, shkruan Zhupa në një postim në rrjetin social.
