Gjykata Kundër Krimit të Organizuar dhe Korrupsionit do të vlerësojë sot masat e sigurisë për të arrestuarit në operacionin ndërkombëtar antipdrogë të koduar “Shpirti”.
Të akuzuarit e këtij operacioni, prokurori Maksim Sota, Iliriajn Balla dhe Artur Krasniqi që akuzohen për shpërdorim detyre dhe janë aktualisht me masën e sigurisë “arrest shtëpie”, kanë kërkuar moskompetencë të gjykimit nga Gjykata e Posaçme dhe transferim të çështjes në gjykatën kompetente.
Por kërkesa e tyre është rrëzuar.
SPAK njoftoi se ka goditur në bashkëpunim me partnerët ndërkombëtarë një grup të të trafikut të drogës që nisej nga Shqipëria për të shkuar në Itali e për t’u shpërndarë më pas në vendet e BE.
Në total u lëshuan 38 urdhër-arreste, 10 prej tyre të ekzekutuara në vitin 2020, ndërsa 28 të tjerat, disa ditë më parë. Pjesë e të arrestuarve janë edhe disa zyrtarë dhe ish-zyrtarë publikë, si prokurori Maksim Sota apo drejtori i Zyrës së Punës në Kavajë, Saimir Kurti.
Zyrtarët e arrestuar
Maksim Sota, ish-prokuror në Vlorë i larguar nga Vettingu
Saimir Kurti, drejtor i Zyrës së Punës në Kavajë
Ilirjan Balla, ish-shefi i sektorit kundër trafiqeve në Policinë e Shtetit
Festim Lelaj, ish-oficer policie në Fier, i proceduar më parë për trafik narkotikësh
Zyrtarisht u deklarua edhe arrestimi i Hekuran Marku dhe Paul Agustin Deda, ish-shoqërues të Saimir Tahirit në vitin 2016, kur ishte ministër i Brendshëm. Por media raportoi se Drejtori i Policisë së Shtetit kishte gënjyer me arrestimin e tyre. Në media u dha dëshmi që njëri prej tyre ndodhej jashtë vendit prej 3 vitesh, ndërsa tjetri ishte në arrati.
