Kujdes nga ethet disaditore. Mjekët e familjes thonë se prej më shumë se dy muajsh janë shumë të rralla rastet me Covid, pasi 99 për qind prej rasteve që paraqiten tek doktori janë të prekur me gripin e verës.
“Gripi i verës ngatërrohet me Covid-in. Që kur filluan te rriten temperaturat, kemi vënë re që ka pasur ndryshim në shëndetin e tyre me këto simptoma gripale apo virusale të verës. Kam mbi dy muaj qe nuk kam asnjë rast pozitiv. Të gjithë negativ”
Po cilat janë simptomat e gripit të verës?
“Simptomat e gripit të verës janë rrufë, temperaturë, dhimbje fyti, koke. Dobësitë e përgjithshme trupore. Të njëjtat me simptomat e Covid. Ethet disaditore zgjasin vetëm disa ditë. 2-3-5 ditë”, – tha për Tv Klan mjekja pathologe Eriona Hereni.
Në çdo rast, për të bërë diferencën nëse është Covid apo gripi i verës, bluzat e bardha i referojnë qytetarët për tampon. Në të gjithë vendin nga mbi 2 mijë raste të dyshuar me Covid, rezultojnë mesatarja 4 të infektuar në ditë.
