Lynne Spears, mamaja e Britney Spears, e cila është divorcuar me babain e këngëtares në vitin 2002, ka folur për herë të parë në një lidhje telefonike me “The New Yorker” duke thyer kështu heshtjen.
“Kam ndjenja të përziera për gjithçka. Nuk e di çfarë të mendoj. Ka shumë dhimbje, shumë shqetësim. Jam mirë. Jam mirë në shmangien e gjërave”, është shprehur mamaja e yllit të muzikës Pop.
Gazetarët kanë treguar se Lynne nuk ka preferuar të japë shumë detaje në lidhje me çështjen e kujdestarisë. Kjo ishte përgjigjia e parë publike e saj për betejën ligjore të Britney-t, megjithëse ka shprehur mbështetjen për të ndër vite.
Ndërkohë Jamie Spears, motra e këngëtares, i ka dalë në mbrojtje Britney-t, ku tha në një video të publikuar në “Instagram” se nuk ka folur më parë, pasi i takonte vetë Britney-t që të tregonte të vërtetat mbi jetën e saj.
