Një ngjarje e rëndë ka ndodhur rreth orës 07:05 të mëngjesit të së dielës në Velipojë, ku si pasojë e shpërthimit të një bombule gazi janë plagosur 4 pjesëtarë të një familjeje, mes të cilëve edhe një i mitur.
Shpërthimi i bombulës ka ndodhur në familjen Gjoka, ndërsa të plagosurit janë Klarisa Gjoka 15-vjeç, Danjela Gjoka 18-vjeç, Enriko Gjoka 11-vjeç dhe Alketa Gjoka 30-vjeç.
Të 4 këta persona ndodhen në gjendje të rëndë si pasojë e djegieve të pësuara.
Nga raportimet mësohet se ato do të nisen drejt Tiranës për shkak të plagëve të shumta që kanë pësuar. Ende nuk dihet se si ka ndodhur shpërthimi.
