Ministria e Shëndetësisë njoftoi se në 24 orët e fundit janë regjistruar tri raste me COVID-19 dhe janë shëruar nëntë persona.
Rastet e reja dalin pas 1.859 testimeve, njoftojnë autoritetet.
Që prej marsit 2020, deri më 3 korrik 2021, Kosova ka regjistruar 107.788 raste me COVID-19. Prej tyre, 2.260 kanë vdekur dhe 105.362 pacientë janë shëruar.
Aktualisht, raste aktive janë 166.
Sa i përket vaksinimit kundër koronavirusit, në 24 orët e fundit janë administruar 11.900 doza. Në total, deri më tani, Kosova ka vaksinuar 204.774 persona. Sipas Ministrisë së Shëndetësisë, 48.437 persona janë vaksinuar plotësisht, me të dy dozat e vaksinës.
