Ka startuar në orën 18:00, sfida Çeki-Danimarkë e vlefshme për çerekfinalen e Kampionatit Europian.
Ndeshja do të luhet në Baku të Azerbajxhanit në temperaturën 36 gradë, kushte të vështira këto për një futbollist. Çekia dhe Danimarka vijnë si surpriza në këtë fazë të kompeticionit duke luajtur ditën e sotme gjithçka për të prerë një biletë në gjysmëfinale.
Danezët mposhtën pastër 3-0 Uellsin për të arritur në këtë fazë të kompeticionit dhe kanë një ekip mjaft të mirë në përbërje, ndërsa Çekia mbështet tek ylli i ekipit sulmuesi Patrik Shik i cili po udhëheq kombëtaren e tij drejt suksesit në këtë Europian.
