Një natë më parë, në një lagje në Minttutie të Finlandës ka shpërthyer zjarri, duke shkatërruar plotësisht disa shtëpi, dhe duke vënë në rrezik shumë jetë njerëzish. Mediat shkruajnë se një shqiptar ka ndihmuar një çift të të moshuarve që të shpëtonte nga zjarri. Shqiptari, Mergim Halili, i cili jeton në lagjen ku u dogj shtëpia, tha se ai dhe e dashura e tij ndihmuan që një çift i moshuar të largohej nga objekti.
Ai shton se vërejtën tym që dilte nga shtëpia dhe se shkuan për të shikuar se çfarë po ndodhte. Pasi zjarri u bë më i madh, ata vendosën që të shikojnë nëse ka mbetur ndonjë njeri brenda. Sidoqoftë, të rinjtë arritën që ta ndihmojnë çiftin për t’u larguar nga ndërtesa që po kaplohej nga flakët, ndërsa kalimtarët e tjerë trokitën në dyer e dritare të tjera për t’u siguruar që askush nuk është më brenda.
