Ish-Kryeministri Sali Berisha ka postuar në rrjet një video ku shfaqet një qytetar, të cilin policia e ka prangosur në një kangjell të një lokali.
Qytetari, ndoshta në gjendje të dehur, është kthyer në objekt dëfrimi nga polici. “Maskara, qen, pijanec, aty të rrish”, dëgjohet një zë në videon e publikuar dhe më pas të qeshura.
Edhe sikur pamjet e mëposhtme të jenë në kuadrin e një shakaje, ato tregojnë gjendjen ku është katandisur policia, përmes efektivëve të saj, që pasqyrojnë mentalitetin e drejtuesve më të lartë.
“Narkopolici në Peshkopi dëfrehet duke lidhur në shkallë një qytetar të dehur! Degradim i plotë!”, shkruan Berisha në rrjetin social, duke postuar edhe videon e mëposhtme.
