Një automjet brenda të cilit ndodheshin 5 persona ka rrëshkitur brenda oborrit të një shtëpie në fshatin Selçan të Elbasanit.
Dyshohet se automjeti ka dalë nga rruga dhe duke rrëshqitur në një rëpirë ka përfunduar në oborrin e një shtëpie.
Nga informacionet paraprake si pasojë e aksidentit bëhet me dije se ka persona të plagosur, por jo humbje jete.
Policia dhe ambulanca janë nisur me urgjencë drejt vendngjarjes.
Ende nuk dihen rrethanat si ka ndodhur aksidenti, por paraprakisht thuhet se është shkëputur bazamenti ku ndodhej mjeti.
