Një 35-vjeçar është arrestuar në Pogradec pasi shpërndante kokainë. A.T. ishte në lagjen nr.1 të qytetit kur gjatë kontrollit iu gjetën doza doza kokainë gati për shitje.
Ai ra në prangat e Policisë dhe tashmë do të hetohet nga Prokuroria.
“Specialistët për Hetimin e Krimeve në Komisariatin e Policisë Pogradec, në vijim të punës për goditjen e aktivitetit kriminal të shpërndarjes së drogave të forta në doza të vogla, bënë arrestimin në flagrancë të shtetasit A. T., 35 vjeç, banues në Pogradec. Ky shtetas u kap nga shërbimet e policisë në lagjen nr. 1, Pogradec, me mjetin tip ‘Benz’, gjatë kontrollit së të cilit iu gjetën e sekuestruan doza me lëndë të dyshuar narkotike kokainë, gati për shitje, të cilat iu sekuestruan në cilësinë e provës materiale. Materialet i kaluan Prokurorisë pranë Gjykatës së Shkallës së Parë Pogradec për veprime të mëtejshme”, njoftoi policia.
