Organizata Botërore e Shëndetësisë paralajmëroi se rastet e reja me koronavirusi janë duke u rritur nga dita në ditë në Evropë duke lënë pas përmirësimin 10-javor të situatës me pandeminë. Kreu i OBSH, Hans Kluge tha se nëse nuk tregohemi të kujdesshëm e të disiplinuar, jemi të rrezikuar nga një valë e re.
Ai shtoi se shkak për këtë gjë mund të bëhet variant Delta që po përhapet me shpejtësi si dhe lehtësimi i disa prej masave të udhëtimeve. Kujojmë se Portugalia raportoi një ditë më parë numrin më të lartë të rasteve që nga muaji shkurt, ndërsa në Spanjë vërehet një shtim i të infektuarve mes të rinjve.
Rusia vijon të përballet me numra ende të lartë fatalitetesh. 672 persona humbën jetën në 24 orët e fundit, ndërkohë që infektimet po shtohen kjo për shkak dhe të fushatës së dobët të vaksinimit. Në Britaninë e Madhe të mërkurën u raportuan 26 mijë persona të infektuar, shifër kjo që nuk ishte përsëritur prej 29 janarit.
