Tifozët anglezë janë paralajmëruar që të mos udhëtojnë drejt Romës për takimin çerekfinal të 3 Korrikut kundër Ukrainës. Gjoba për një shkelës të rregullit është 2500 paundë.
Autoritetet italiane po aplikojnë masa të rrepta në mënyrë që të shmangin raste të reja apo shpërthime të Covd-19. Federata Angleze informoi se nuk do të shesë 2500 biletat, të cilat janë përcaktuar nga UEFA për këtë takim për tifozët, që aktualisht gjenden në Mbretërinë e Bashkuar.
Menaxhimin e tyre ia ka ridhënë sërish UEFA-s, që po punon me ambasadën britanike në Romë që t’ua shesë biletat të gjithë anglezëve që aktualisht gjenden territorin e në Bashkimit Evropian.
Në bazë të rregullores së vendosur nga autoritete italiane, të gjithë të ardhurit nga Mbretëria e Bashkuar duhet që të karantinohen për pesë dite në një hotel apo rezidencë private.
Kjo e bën të pamundur që ata të ndjekin nga stadiumi “Olimpiko” çerekfinalen. Gjithashtu, ata duhet që të izolohen për 10 ditë kur të kthehen sërish në ishull.
