Një ngjarje e rëndë ka ndodhur në Boston, SHBA. Mësohet se një person është mbytur dhe fajtor akuzohet djali i tij, Jack Callahan. Ky i fundit ka thënë në polici se nuk është fajtor, pasi sipas tij, qëllimi i tij ishte që të largonte prej tij demonin e alkoolit” të quajtur “Dani i lig”.
Në gjyqin e të akuzuarit u tha dje se adoleshenti kishte mbytur babanë e tij gjatë një rituali të mesnatës teksa përpiqej të “largonte demonët që kishin marrë kontrollin e tij”. Jack Callahan u arrestua kur nëna e tij thirri policinë pasi i biri po vepronte sikur të ishte “jashtë kontrollit.”
I riu kishte ardhur në shtëpi rreth orës 2 të mëngjesit, i qullur i tëri dhe lajmëroi nënën e tij se nuk gjente dot babanë. Ai ishte kthyer në shtëpi pasi duhet të merrte babanë nga një bar.
Në gjykatë, prokurori i çështjes tregoi veprimet e 19- vjeçarit. “Ai besonte se po e pagëzonte babanë e tij. Po e mbante babanë në liqen me kurriz, siç mban prifti beben, dhe vazhdimisht i fuste kokën në ujë. E bëri këtë katër deri në tetë herë. Kur babai niste të kollitej të mbytej, ai ia nxirrte kokën nga uji. Ndërsa kur babai niste të rezistonte apo të luftonte, ai ia fuste kokën përsëri në ujë”.
I riu tha më tej se i kishte dhënë një mundësi zgjedhjeje të atit, duke thënë: “E lashë aty që të vendoste, nëse do të vijë me mua në parajsë, apo të shkojë në ferr. Besoj se ai zgjodhi ferrin”.
Gjykatësi kishte dërguar të riun për një vlerësim psikiatrik. Prokurori tha se i akuzuari mund të jetë rrezik edhe për veten.
