Udhëtimi i qetë për të kaluar fundjavën në jug të vend, u kthye në tragjedi për familjen Gushi që ishin emigrantë në Greqi. Shpejtësia skëterrë e mjetit “Audi A8” e drejtuar nga Igli Madani në autostradën Fier-Vlorë bëri që familja Gushi, dy prindërit dhe dy vajzat e mitura 14 dhe 9 vjeçare, ta kishin atë udhëtimin e tyre të fundit.
Report Tv ka siguruar skicën e aksidentit tragjik në Vlorë, ku nga përplasja e fortë që “Audi” bëri me “Toyota”, e nxori makinë, ku udhëtonte familja, 33 metra jashtë rruge.
Përplasja mes dy mjeteve ka ndodhur në pikën 1, që ka qenë aq e fortë sa makina ‘Toyota’ pas disa rrotullimeve është përplasur me bordurat e rrugës dhe ka dalë 33 metra larg saj dhe është shkatërruar totalisht.
