Dinamo nuk ndalet në merkato dhe ditën e sotme ka prezantuar afrimin e 3-të. Pasi kanë firmosur me Bardhin dhe Aleksandar Sofranac, 18 herë kampionët e vendit kanë firmosur sot edhe me Xhuljo Skukën.
Sulmuesi ka qenë pjesë e Korabit në Kategorinë e Parë ku ka shkëlqyer me golat e tij e tashmë bëhet gati për hapin e madh në Superligë pasi Dinamo ka gjetur akordin me skuadrën e Korabit. Ka qenë vetë klubi dinamovit që ka bërë me dije në faqen zyrtare firmën me Skukën.
Postimi i Dinamos:
Xhuliano Skuka, firma e tretë
Futboll Klub Dinamo ka arritur marrëveshjen me KF Korabin për transferimin e sulmuesit 22-vjeçar në kryeqytet.
Skuka ka spikatur me ish-skuadrën e tij, Korabin dhe është gati për një eventurë të re në Kategorinë Superiore!
