Partizani ka ende një borxh me FIFA. Dënimi i Erald Çinarit u hoq dhe merkato e Partizanit u hap janarin e këtij viti, ndërsa gjoba për çështjen Çinari nuk u largua. Të kuqtë duhet të paguajnë shumën prej 83 mijë eurosh deri në 1 korrik 2021, me afatin që po vjen drejt fundit.
Duket se shuma nuk do jetë problem për Partizanin, që do arkëtojë 100 mijë euro nga Esat Mala, me mesfushorin që do kalojë te Giresunspor në Superligën turke. Pikërisht Partizani tanimë e ka nxjerrë shumën e gjobës, duke mbetur një pjesë e vogël për t’u përdorur në vijim.
Partizani dhe Çinari gjetën një dakordësi për gjobën, teksa diçka e tillë ishte në emër të Partizanit. Duket se shuma e gjobës do kalojë në FIFA, teksa kujtojmë se Çinari u largua drejt Samsunspor në këtë merkato vere.
