Vrasja e Musaen Zenelit në masakrën e Velipojës ka prekur e lënduar edhe mësuesit, të cilët kanë edukuar dhe i kanë dhënë mësim të riut. Mësuesja kujdestare, Valbona Kapiaj ka treguar takimin e fundit që ka pasur me të riun, i cili në mënyrë të pafajshme mbeti viktimë e kësaj masakre.
Valbona Kapiaj thotë se Musaenin ishte një djalë i mirë dhe që e ka dashur shumë punë. Pasi mori profilin në turizëm, ai ka dashur që të gjente një punë me qëllim për ti ardhur në ndihmë familjes së tij.
“Që nga viti i parë e deri në vitin e katërt e ka dashur shume punën. Ka dashur medoemos te gjente një punë për t’ju bere krah familjes sidomos nenës se tij”, ka thene mes te tjerave mësuesja.
Teksa kujton takimin e fundit më të mbrëmjen e maturës, mësuesja shprehet se nuk do ta harrojë kurrë atë natë, ku i riu komunikonte me shumë dashuri dhe afrimitet me të gjithë, shkruan Panorama.
“Musaeni që në ditën e parë e kam njohur dhe më ka ndihmuar biles për të rregulluar klasën ku do te mësonte dhe ku do të merrte profilin e kuzhinierit. Një fëmije shumë i mirë, shumë i dashur, shumë i komunikueshëm, shumë i sinqertë dhe shumë i mirë sidomos me mësueset. Ka qenë një femijë shumë i mirë dhe kështu vitet kaluan dhe erdhi viti i katërt dhe ai mori një profil për turizëm.
Që nga viti i parë e deri në vitin e katërt e ka dashur shume punën. Ka dashur medoemos te gjente një punë për t’ju bere krah familjes sidmos nenës se tij.
Natën e maturës ka qenë nata e fundit që ka qene bashke me mua dhe shokët e shoqet e klasës dhe gjithë pjesëtaret e kolektivit tone.
Nuk do ta harroj kurrë atë natë me ate dashurinë e tij, me afrimitetin dhe komunikimin e tij. Musaeni i afroi një buzëqeshje te gjithë mësuesve për gjithë vitet qe ia ka marre tek shkolla jone”, ka thënë mësuesja.
