20-vjeçari Musaen Zeneli i vrarë nga përplasja me armë në Velipojë në ditën e parë të punës si kamarier, është përcjellë dje për në banesën e fundit, në lule të rinisë.
Në rrjet u sensibilizuan qindra persona për t’i ardhur në ndihmë familjes së Musaenit, pasi me të ardhurat e tyre e kishin të vështirë që të mbulonin shpenzimet mortore. Organizata USA ALBANIAN SOCIETY hapi edhe një llogari në “Go Fund me” ku mund të kontribuonin të gjithë ata që dëshironin të ndihmonin familjen. Në vetëm 13 orë u arrit shuma e synuar prej 20 mijë dollarësh, madje u tejkalua, ku momentalisht janë 20,497 dollarë. Këto para do të shkojnë për familjen e Musaenit.
Musaen Zeneli u cilësua si viktima më e pafajshme e përplasjes me armë zjarri në Velipojë mes 2 familjeve pronarë hotelesh, Ferracaku dhe Gocaj për disa metra territor plazh ku humbën jetën 4 persona. I riu me njohuri fillestari në kuzhinë, ishte shpërngulur në hotelin e vëllezërve Gocaj dhe kishte ditën e parë të punës, ku shërbente edhe si kamarier. Historia e tij e dhimbshme dhe tragjike ia ndërpreu ëndrrat në mes të riut. Në një mënyrë tragjike ka humbur dhe babin e tij disa vite më parë, i cili është mbytur në lumin Drin. Musaeni la pas nënën dhe vëllain, Erdisin.
