Partizani do të luajë me datë 8 korrik sfidën e parë të Ligës së Konferencës përballë Sfintul në “Elbasan Arena”, ndërsa sfidën e dytë, një javë më pas në Moldavi.
Është përcaktuar edhe skuadra e arbitrave për sfidën e parë, e cila është e gjitha zvicerane. Kryesor është Lukas Fandrik, i asistuar nga Jonas Erni dhe Guilame Maire.
Ndërsa arbitër i katërt do të jetë Stefan Horisberger. Kryesori, Lukas Fandrik, është mësues në profesion.
Gjyqtari 36-vjeçar njihet për rreptësinë e tij si arbitër, pasi në 268 ndeshje që ka arbitruar, ka akorduar plot 1301 kartonë të verdhë, me një mesatare gati 5 kartonë të verdhë për ndeshje.
Gjithashtu, zvicerani Fandrik ka akorduar edhe 44 kartonë të kuq. Gjithashtu, ka akorduar 96 penallti.
