Deri më tani, Taulant Seferi dhe Vesel Limaj janë dy lojtarët që kanë firmosur me skuadrën e Tiranës. Sulmuesi i Kombëtares zgjodhi bashkëpunimin me bardheblutë për 3 sezonet e ardhshme, ndërsa ish-mesfushori i Kukësit për dy vitet në vazhdim.
Sakaq pritet të zyrtarizohet dhe Redon Xhixha, si dhe së fundmi ka fituar kuota edhe Michael Ngoo që është në pole-position për të riveshur dhe një herë fanelën bardheblu.
Nëse dy sulmuesit e njohur do të zyrtarizohen te 25-herë kampionët e vendit, ekipi i Orges Shehit do të jetë kandidat potencial për titullin kampion. Porta dhe mbrojtja mbetet të paprekura. Në katërkëndësh, edhe këtë sezon do të jetë Visar Bekaj. Para tij priten të rreshtohet katërshja: Tozhevski – Najdovski – Hoxhallari – Ismajlgeci.
Në mesfushë, Çelhaka dhe Limaj do të jenë “ura lidhëse” mes mbrojtjes dhe fazës së avancuar. Në mbështetje të Michael Ngoo në majë të sulmit priten të jenë Halili – Seferi dhe Xhixha.
Formacioni i mundshëm i Tiranës në sezonin e ri: Bekaj; Tozhevski – Najdovski – Hoxhallari – Ismajlgeci; Çelhaka – Limaj; Halili – Seferi – Xhixha; Ngoo
