Fifi ka realizuar një bisedë virtuale me ndjekësit e saj, të cilët nuk i kanë kursyer pyetjet për jetën personale të këngëtares. Pak ditë më parë u bë e ditur se djali që Fifi dashuronte është fejuar me një vajzë tjetër dhe siç duket ndjekësit janë bërë edhe më shumë kuriozë.
“Nëse të rastis të duash fort dikë që ndoshta s’do të të dojë, a do vazhdoje ta doje?”,- ishte pyetja e parë, së cilës artistja iu përgjigj: “Më ka pas rastisur të doja dikë. Lëre që nuk më ka dashur, por që as respekt s’kishte për mua.
Kështu që përgjigjen e ‘a do e vazhdoja’, s’ta jap dot se ndjenjat me buton nuk janë. Por që të paktën jam munduar të mos e fik butonin e shpresës.
Zoti të merr diçka e të jep atë që meriton. Dhe unë jam momentalisht në mesin e njerëzve që dua”.
Një tjetër e pyeti: “Domethënë, kjo shprehja ‘dashuria të qëron’, ty të paska qëruar me kohë?”.
“Prej kohësh jam e qëruar unë”, – u shpreh artistja duke lënë të kuptohet se është ende e dashuruar.
