Andi Shehu dhe Tea Trifoni ishin një ndër “çiftet” më të pëlqyer nga publiku dhe dolën bashkë nga “Për’puthen”. Mirëpo, pas pak javësh në rrjet qarkulluan fotot e Teas me Beart Rexhepin duke u puthur dhe aty u zbulua se Andi dhe Tea nuk kanë qenë një çift i vërtetë, por thjesht kanë gënjyer publikun.
I ftuar në “Top Arena, ai u pyet se përse u sulmua më shumë Tea në krahasim me të kur të dy ishin në dijeni të situatës.
“Fajtor kemi qenë të dy, pa përfshirë edhe pjesën tjetër që e kam bërë publike edhe herë të tjera. Nuk di kujt t’ia vë gishtin më përpara. Në radhe të parë ia vë vetes time normalisht që isha pjesë e gjithë asaj gjëje që u krijua. Pastaj edhe të gjithë të tjerëve me radhë që ishin qoftë edhe një shtysë sado e lehtë për të dalë në atë lloj përfundimi që më vonë u penduam”,- tha Andi.
Ndërsa, nëse do t’i jepej mundësia të ndryshonte një gjë nga rrugëtimi i tij në program, Andi tha në mënyrë të prerë: “Do të kisha dalë me Melisën”.
Andi dhe Melisa tani janë një çift i konsoliduar dhe kanë nisur bashkëjetesën.
