Propagandë, premtime dhe projekte 3D, kështu e nisi në mandatin e parë në vitin 2013-të rilindja e Ramës, kështu po e vijon edhe në mandatin e 3-të të saj.
Asnjë punë konkrete vetëm premtime dhe propagandë boshe dhe premtime për projekt të mëdha, ndërkohë që qytetarët po përballen me probleme nga më të mëdhatë cçdo ditë për shkak të paaftësisë dhe babazëisë rilindase.
Anëtari i Këshillit kombëtar të PD-sëJolio Dine ka denoncuar gjatë ditës së sotme me fakte dhe prova se si sot femerët e Bashkisë së Konispolit janë totalisht të braktisur nga shteti, kjo për shkak të dështimit total të projektit të ‘madh’ të ujëmbledhësit të Janjarit.
‘Një nga veprat e shumëtrumbetuara të Qeverisë “Rama” për Bashkinë Konispol, ajo e ujëmbledhësit të Janjarit, po rezulton një dështim i plotë.
Mijëra fermerë, pronarë të mbi 500 mijë pemëve rrezikojnë sot prodhimin për shkak të thatësirës dhe një skandali të madh qeveritar që ka të bëjë me mos vendosjen në funksion të një investimi prej 10 mln euro, i cili duhet të kishte perfunduar në 30 prill 2021, por që ende nuk ështe vendosur në punë’, deklaroi Dine.
Më tej Jolio Dine thekson se edhe pse për këtë projekt u hodhën plot 10 milionë euro dhe në prezantimin e tij morën pjesë deputetë e zyrtare rilindas, sot fakti është se ujëmbledhësi i Janjarit ëhstë bosh, duke lënë pa ujë 4 mijë hektar tokë bujqësore.
‘Këto (foto) janë pamjet sot të ujëmbledhësit të Janjarit, pra thatësirë e plotë. Prej dy muajsh ai është jashtë funksionit edhe pse për të janë paguar plot 10 mln euro për rehabilitimin e 60 km kanale duke u shfaqur për publikun, madje në ceremoni me pjesëmarrje Ministrash e deputetësh, si një investim që do të ndihmonte vaditjen e 4000 ha tokë në gjithë Bashkinë Konispol. Burimet bëjnë me dije se punimet e kryera në këtë vepër, janë totalisht jashtë standarteve duke bërë që proceset mos të funksionojnë dhe ujëmbledhësi mos të kryejë asnjë shërbim. Fermerët janë sot në mëshirë të fatit dhë të vetmet përgjigje që marrin nga organet kopetente janë ngritje supesh e deri në arrogancë. SPAK sot ka një arsye më shumë për të nisur hetimet se si janë shpërdoruar 10 mln euro dhe për cfarë arsye kjo vepër madhore nuk po vihet në funksion duke i shkaktuar banorëve të Bashkisë Konispol dhjetra milion euro dëm për shkak të mosvaditjes së agrumeve, për një prodhim të parashikuar në 40 mijë ton, që janë baza e ekonomisë së kësaj zone’, deklaroi Dine.
