Ylli i Portugalisë, Cristiano Ronaldo ka reaguar në rrjetet sociale për disfatën që ekipi i tij regjistroi përballë Belgjikës në fazën e 1/8 të Europianit duke u larguar përfundimisht nga ky kompeticion.
Sulmuesi u shpreh se ndonëse kishin si qëllim t’i shkonin deri në fund Euro 2020 kjo gjë nuk ndodhi. Megjithatë ai vlerësoi ekipin, i cili sipas tij ka potencial për të arritur më shumë.
“Nuk arritëm të merrnim rezultatin që donim dhe u larguam nga turneu përpara nga sa duhej. Por jemi krenarë për rrugëtimin tonë. Bëmë gjithçka për të mbrojtur titullin kampion dhe ky grup tregoi se mund t’iu japë ende shumë tifozëve portugezë”, u shpreh CR7.
Në fund, pasi përshëndeti tifozët portugezë dhe klubet që garojnë ende në Euro 2020, Ronaldo u shpreh se Portugalia do të kthehet shumë shpejt edhe më e fortë.
