Detaje të reja kanë dalë në dritë në lidhje me vrasjen e 20-vjeçarit në Velipojë. Nëna e Mysahen Zeneli e përcolli djalin të shtunën në mëngjes në punën e tij të re, për mos ta parë kurrë. Ndërkohë, kushëriri i të ndjerit ka rrëfyer sot në një emision se e ëma e kuptoi ngjarjen pikërisht në spital, pasi askush nuk guxonte t’i tregonte.
“E ka kuptuar nga ora 1 e gjysmë, nga rrobat që duheshin larë në spital. Pa peshqirin e djalit, as që e dinte që te viktimat në morg ishte dhe Mysahen. Ishte ‘shok’ i madh për të. Ka qenë shumë i dashur, pavarësisht se ka qenë pak i sëmurë. Kanë qenë të varfër, jetë e vuajtur. Ai ka pasur punë të jeta, ka punuar diku kamarier, diku diçka tjetër. Gatimin e ka mësuar në shkollë, e kishte pasion”,-tregon kushëriri i të ndjerit.
