Italia do të përballet në çerekfinale të Europianit me Belgjikën. Qendërmbrojtësi i Italisë dhe i Lacios, Francesco Acerbi, nuk duket shumë i lumtur nga fakti që do të ndeshen me “Djajtë e kuq”.
“Sinqerisht do të kisha dashur të sfidoja Kristiano Ronaldon dhe Portugalinë. CR7 markohet më lehtë, është ai pika e referimit e skuadrës, por ndërkohë do të na duhet të kemi përballë Lukakun. E them këtë jo sepse nuk e shoh Ronaldon më të kompletuar, përkundrazi…
Por Romelu është më i fortë fizikisht, është një forcë e natyrës dhe ka një mënyrë të lëvizuri në zonë, e cila është e vështirë të ndalet. Prandaj duhet të jemi shumë të kujdesshëm ndaj Lukakut, ndonëse nuk është vetëm ai çelësi i suksesit të Belgjikës. Ndaj tyre mund të na duhet edhe një fitore ‘e pisët’, siç bëmë ndaj Austrinë”.- ka thënë qendërmbrojtësi.
