Kanë mbërritur sot në mbrëmje në Shqipëri 24 mijë vaksina anti-Covid.
Lajmi bëhet me dije nga kryeministri Edi Rama, që përmes një postimi në “Facebook” njofton se kanë mbërritur në aeroportin “Nënë Tereza” 14,040 doza të vaksinës Pfizer, ndërsa Kroacia ka dhuruar 10,000 doza të vaksinës AstraZeneca.
Postimi i plotë i Ramës
Edhe 24,040 vaksina anticovid sapo kanë mbërritur në Shqipëri.
Në Aeroportin “Nënë Tereza” mbërritën 14,040 doza të vaksinës Pfizer, ndërsa në mbrëmje mbërritën në IShP edhe 10,000 doza të vaksinës AstraZeneca, si gjest solidariteti qeverisë kroate. 1,103,690 vaksina anticovid kanë mbërritur deri tani Shqipëri, për të vijuar pa u ndalur me planin kombëtar të vaksinimit masiv.
