Francë-Zvicër është sfida e orës 21:00 për 1/8-at e Euro 2020 që do të luhet në “National Arena” të Bukureshtit.
Kamponët e Botës në fuqi shikohen si favoritët në këtë përballje. “Le Bleu” dolën të parët në “Grupin e Vdekjes”, duke lënë pas Gjermaninë dhe Portugalinë.
Por trajneri Didier Deshamps e ka një shqetësim, ato janë mungesat që duket se do ta kushtëzojnë në ndërtimin e formacionit.
“Gjelat” nuk e njohin humbjen në 10 takimet e fundit në të gjitha kompeticionet, pro ata nuk i kanë fituar dot dy takimet e fundit.
Në shtatë sfidat e fundit kundër helvetëve, Franca nuk është mundur asnjëherë, ndërsa ka fituar 3 herë dhe barazuar 4 herë.
Zvicra u kualifikua në fazën e 1/8-ve si një ndër katër kombëtaret e treta më të mira. E gjithë vëmendja do të jetë nga Xherdan Shaqiri, i cili shikohet si futbollisti i cili mund t’i japë suksesin zviceranëve. Por edhe mesfushori tjetër shqiptaro-zviceran Granit Xhaka do të ketë një detyrë të vështirë në mesfushë.
Helvetët janë përballur me Francën 38 herë, ku kanë fituar 12 herë dhe kanë barazuar 10 herë.
Hera e fundit që ata kanë arritur një fitore ndaj “gjelave” ka qenë në vitin 1992 në një takim miqësor.
Ndërkohë sfidën e Euro 2016 e mbyllën në barazim pa gola.
