Në mbledhjen e Asamblesë së Partisë Socilaiste në Vlorë, Edi Rama ka pasur mjaft kritika për socialistët të cilët janë në krye përsa i përket këtij qarku.
Nga raportimet mësohet se Kryeministri ka qenë mjaft i ashpër edhe ndaj kryetarit të partisë socialiste të Vlorës dhe të këshillit bashkiak.
Ndërsa lidhur me përgatitjen që Afrim Qëndro mund të ketë bërë për t’u bërë kryetar bashkie, Rama i shuajti shpresat.
Në fjalën e tij ai u shpreh i ashpër dhe i prerë duke thënë: “Afrimi do bëhet kryetar Bashkie kur unë të bëhem Gazmend Bardhi. Në Vlorë e kam sjellë për të mbushur gropat”.
Siç duket Ramës nuk i ka pëlqyer aspak fakti që çështja me Dritan Lelin është bërë kaq e madhe nga ana e Këshillit bashkiak dhe nga Kryetari i PS në qarkun e Vlorës, Afrim Qëndro, i cili mesa duket ka pretenduar të jetë ai kryetari i ardhshëm i bashkisë.
