Supersfida Belgjikë-Portugali përfundon me fitoren e “Djajve të kuq”. Skuadra e Roberto Martinez tregohet më cinike për të shfrytëzuar rastet dhe me një fitore minimale 1-0 siguroi kualifikimin për në çerekfinale të Europianit.
Në Sevilla u luajt një nga ndeshjet më taktike dhe më të kujdesshme të Europianit teksa të dyja skuadrat studionin njëra tjetrën dhe përpiqeshin të kapnin në befasi kundërshtarin.
Sinjalin e parë e dha Cristiano Ronaldo në 25’ me një gjuajtje potente por Courtois u përgjigj menjëherë duke grushtuar ndërsa Meunier i përgjigjet edhe ai me një gjuajtje në 36’ e cila kalon ngjitur me shtyllën.
Kur skuadrat po bëheshin gati për të mbyllur pjesën e parë, vjen momenti që vendos edhe ndeshjen, një predhë nga Thorgan Hazard. Mesfushori gjen hapësirë dhe godet me të djathtën e cila nuk mund të pritet nga Rui Patricio.
Skuadra e Santos rrit presionin në pjesën e dytë dhe me Ronaldon e Diogo Jotan tentojnë dy here me gjuajtje dhe nuk ia dalin. Belgjika pa De Bruyne duket sikur vendos vetëm të mbrohet e të përdor kundërsulmin por portugezët i afrohen shumë barazimit here me Bruno Fernandes në 82’ e më pas dy minuta më pas me Guerreiron që godet shtyllën.
Në fazën çerekfinale, Belgjika do të përballet me Italinë.
