Jean Clair Todibo do të qëndrojë përfundimisht te OGC Nice. Francezi ka mundur të gjejë veten në klubin e Ligue 1 dhe drejtuesit vendosën ta mbajnë, duke gjetur akordin me Barcelonën.
Klauzola e huazimit përfshinte edhe të drejtën e blerjes dhe francezët e shfrytëzuan. Kështu, Barcelona arketon direkt 8.5 milionë euro, aq të rëndësishme për financat e klubit.
Kjo shifër mund të shtohet akoma më shumë sepse në marrëveshja janë parashikuar 7 milionë euro në formë bonusesh, në varësi të paraqitjeve të 20-vjeçarit.
Todibo u transferua te Nice në janar dhe u bë menjëherë titullar, duke luajtur në 15 ndeshje në Ligue 1 dhe shënuar 1 gol, përveç paraqitjeve pozitive në difensivë.
