Italia dhe Austria përballen mbrëmjen e sotme. Perpara takimit, trajneri italian Roberto Mancini, tha se kanë përballë një kundërshtar agresiv por megjithatë janë të qetë.
“Ne jemi mjaft të relaksuar sepse e dimë që mund të mbështetemi te disa lojtarë shumë të mirë. Dhe kushdo që do të dalë në fushë në mbrëmje do të bëjë atë që kanë bërë deri më tani, kështu që ata do të luajnë shumë mirë. Kjo është arsyeja pse ne jemi mjaft të relaksuar.
Austria është një ekip mjaft i mirë. Kanë lojtarë shumë të talentuar dhe teknikë. Janë një kundërshtar agresiv dhe nuk është e lehtë të luash kundër tyre. Ata mund të zotërojnë lojën pasi dinë të ushtrojnë presion. Ndaj ne duhet të jemi gati për këtë. Nuk ka rëndësi nëse është ndeshja më e rëndësishme e imja si trajner, por është një takim nuk ka hapësirë për gabime.”
