Një 42 vjeçar nga Gjakova është arrestuar në Durrës me qëllim ekstradimin drejt Prizrenit. Ai ishte shpallur në kërkim nga autoritetet e Kosovës për akuzën e vjedhjes.
Njoftimi
Vihet në pranga me qëllim ekstradimi drejt Kosovës, një 42 vjeçar.
Në vijim të punës për kapjen e personave në kërkim ndërkombëtar si dhe planit të masave gjatë sezonit turistik, për parandalimin e veprave penale në fushën e vjedhjeve, shërbimet e Komisariatit të Policisë Durrës, si rezultat i shkëmbimit të vazhdueshëm të informacioneve me ZKQ Interpol Tirana, kanë bërë të mundur lokalizimin dhe arrestimin provizor të shtetasit kosovar B. C., 42 vjeç, banues në Gjakovë, Kosovë.
Arrestimi provizor i këtij shtetasi u bë pasi Gjykata Themelore Prizeren ka lëshuar urdhër-arresti në ngarkim të shtetasit Bledi Cermanji, për veprën penale “Vjedhje”, parashikuar nga Kodi Penal i Kosovës.
Ky shtetas është i dyshuar për disa vepra penale si vjedhje, vjedhje të rënda, grabitje dhe posedim të substancave narkotike.
Interpol Tirana, në bashkëpunim me ILECU Kosovë, vijon procedurat për ekstradimin e tij drejt Kosovës.
