Edhe pse realizoi 3 ndeshje perfekte në grup, Italia nuk arriti të kualifikohet në 90 minutat e kohës së rregullt ndaj Austrisë, pasi ndeshja u mbyll në barazim pa gola.
Të kaltrit dominuan pjesën e parë, por në të dytën Austria pati disa raste për shënim, madje në njërin prej tyre e dërgoi topin në rrjetë, por arbitri e anuloi për pozicion jashtë loje.
Tashmë, për të përcaktuar ekipin që do të kalojë në çerekfinale, janë duke u luajtur edhe 30 minutat e shtesës, ndërsa nëse sërish nuk do të ketë gol, gjithçka do të vendoset nga penalltitë.
