Policia e Kukësit ka arrestuar në flagrancë shtetasin S. Gj., 38 vjeç banues në fshatin Bushat, pasi duke drejtuar autoveturën e tij ka aksidentuar shtetasin B. P., 67 vjeç, në aksin rrugor Kukës-Uzinë.
Ky i fundit pas marrjes së ndihmës së parë në spitalin e Kukësit është transportuar te Trauma për një shërbim dhe kujdes më të specializuar mjekësor.
Materialet në ngarkim të shoferit 38-vjeçar i kaluan prokurorisë së kukësit për veprën penale “Shkelja e rregullave të qarkullimit rrugor”.
Njoftimi i plotë i policisë: Kukës
Specialistët e Qarkullimit Rrugor në Drejtorinë Vendore të Policisë Kukës arrestuan në flagrancë shtetasin S. Gj., 38 vjeç, banues në fshatin Bushat, Kukës.
Arrestimi i tij u bë pasi, në aksin rrugor Kukës-Uzinë, duke drejtuar automjetin tip “Benz”, ka aksidentuar shtetasin B. P., 67 vjeç, banues në Kukës.
I dëmtuari, pasi ka marrë ndihmën e parë mjekësore në spitalin rajonal Kukës, është transportuar për mjekim më të specializuar në Spitalin e Traumës Tiranë.
Materialet i kaluan Prokurorisë së Rrethit Gjyqësor Kukës, për veprën penale “Shkelja e rregullave të qarkullimit rrugor”.
